有觀眾朋友問我做咩自己唔拍香港...
中學嘅時候我都無去過咩地方，個陣無而家咁興Instagram/social media，唔係好識搵食，總之印象中就無點周圍去，唔識咩地方。
大學嘅時候係廣州，放假嘅日子都用曬黎去旅行，所以其實我係同香港脫曬節。
而家就無時間，以前啲片都唔得閒剪，仲出去拍新片？🤣
同埋呢，攝影/拍片真係好講求練習嘅，拍得少就會生疏，我懷疑自己而家唔識拍室外片㗎喇🤣
而且，我覺得拍香港會難過拍旅行片好多。去旅行，樣樣野都新鮮，觀眾亦未必有接觸過，所以拍咩都得意。
但香港自己地方唔同，我覺得唔稍為鑽深入啲，了解多啲背後嘅文化，或者拍攝技巧唔夠好，係唔會拍得出啲咩有意思嘅片。
話說，我雖然係無拍香港風景，但其實我都有做關於「香港」嘅內容，不過係文字blog，所以好少人知道、好少人會睇🤣
同埋上一條片都係推介香港音樂呀🤘其實除左個條片入面講嘅野，我當日仲噏左一大論關於我對香港文化狀況嘅睇法，篇幅仲長過推介音樂嘅部份🙈不過無剪入去，唔想掃興......可能之後再剪
Search